Yosemite National Park

Saman med 14 andre norske studentar tok vi forrige helg turen til «Yosemite National Park».

Fredag var dagen for langtur og det første som møtte oss var denne fantastiske utsikta. I bakgrunnen kan du skimte det kjente fjellet «Half Dome», ein kuleforma topp på ca 2693 meter.

Vi sikta oss inn på toppen av «Yosemite Falls», som er akkurat der fossen fell utfor fjellsida. Det var ein flott tur med fine løyper oppover den bratte fjellsida.

Turen opp og ned er ca 7 miles(11.2km) med ein høgdeforskjell på 2700 feet(822m). Løypa går i såkalla "zigzag", bygd rundt 1870 tallet av hotelleigarane i området for å lokke til seg turistar.

Vi budde omlag eit stykke utanfor Yosemite, ved «Bass Lake» i ei hytte kalla «Raud Mann». Seinare kunne ein nabo fortelje oss at eigaren av hytta var norsk, og det dukka opp fleire spor m.a eit kaffikrus med vikingskip...


Ingen grunn til å lage mat på kjøkkenet i slike omgivnadar.

På veg heim tok vi turen innom «Giant Forest» som er ein del av Yosemite.

«General Sherman» er verdas største tre med tanke på volum. Det er dette du ser i bakgrunnen på bilete, og ser du godt etter kan du skimte ei gruppe bittesmå menneske ved trefoten!!

«Generalen» var stengd for altfor nærgåande turistar, men vi fann denne kjempen ikkje så langt unna. Fascinerande store tre!!