It's a boy ♥

Kl 20:15 i dag, den 30. november, kom ein stor gut til verda! Etter to veker på overtid kom endeleg beskjeden om at vi har blitt tante og onkel igjen !! Vi er så glad, så glad!!



Gratulerer så mykje med guten, bror og Beate! Så godt at alt gjekk bra og at alle er friske og fine. Gledar oss masse til å sjå bilete av den nyfødde ♥ Skulle også gjerne ha komt og kosa med gullet, men blir vel litt for langt å reise. Kjem heim i juli!! :)

Stor klem frå tante Jill og onkel Christopher i California! ♥

Meatless Monday

Idag er det altså kjøttfri mandag i følge en plakat på campus.

Alcatraz

Då var vi på veg heim frå ei flott helg i San Francisco!

Golden Gate Bridge

Då var vi endeleg framme i San Francisco etter mange timar på vegen i
ein liten Ford Mustang Convertible.
Første severdighet blei å køyre over Golden Gate Bridge, uten at
det heilt var meininga..;)

Thanksgiving & San Francisco

Torsdag den 26. november er det Thanksgiving feiring her i Amerika. Alle får fri frå skulen torsdag og fredag, og denne helga skal etter tradisjonen feirast med kalkun, familie og venner.


Vi er invitert til mora til Chris (Fig) som bor sør for Los Angeles på Thanksgiving middag så det skal bli veldig spennande! Det blir då ein dagstur med full Buick ned dit på torsdag, før eg, Christopher og Christopher (Little Christopher) sett kursen mot San Francisco fredags morgon i Mustangen.
Denne helga samlast nemlig norske utvekslingsstudentar i San Francisco for å delta på det årlige Juleballet! Vi tre har skaffa oss hotellrom ved Union Square, som ligg like ved hotellet som det beryktede juleballet skal halde stad på laurdagskvelden. Resten av helga blir vel benytta til sightseeing i byen og kanskje litt shopping om gutane er villege ;)

Gledar oss masse til ei helg utan lekser og med masse gøy! :D

Happy Thanksgiving to everyone
from Jill Alice & Christopher ♥

Kosekle!

Kveldane her i Santa Barbara er blitt nokså kjølige (ned mot 10-tallet), og det er godt å kunne pakke seg inn i varme, deilige, mjuke kle :)
Sidan eg ikkje tok med meg joggebukse til USA var det absolutt på tide å investere i ei ny, etterlengta kosebukse! Har også gått å små speida på alle dei flotte UCSB genserane dei har på skulen, og endeleg fekk eg tid til å ta med meg ein haug inn på prøverommet!


Her ser du resultatet etter ei god stund med prøving av ulike genserar og bukser!
Såg ikkje dei gode ut vel?

Klem Jill Alice ♥

Panting av flasker og bokser

Omlag ein månad tilbake i tid bestemte vi oss for å samle tomgods og etterkvart få levert det inn for gjenvinning. Vi samla på plast- og glasflasker og boksar til den store gullmedaljen, meksikanarane slutta å grave i bosset vårt, og snart var halve garasjen full av svarte 33gallons søppelsekker med diverse. Endeleg ein dag tok vi motet fatt og lempa alt i den altoppslukande 6.4m korte stasjonsvogna vår og drog avgårde til Goleta Recycle Center.


Her finst det nemlig ingen hol i veggen på butikken enda som sluker alt, men eit eige depot. Vel framme fant vi fort ut at all pant måtte sorterast. Grønt, brunt og klart glas i kvar sin dunk, plastflasker (merka ∆1) og boksar i kvar sin behaldar.
Det tok si tid, men det hjelpte på humøret å få skryt av tilfeldige pantarar som synes vi hadde imponerande mykje. Vi fekk ei kjapp innføring frå ein meksikanar om korleis alt skulle gjerast på spansk/kroppsspråk, krydra med litt barneskulenivå engelsk.

Etter sorteringa var det berre å lempe ein og ein dunk opp på vekta, la vektvakta notere mengde, gå til kassa og få utbetalt rundt $1 per pound :)

Ganske enkelt og greit, hadde vi berre vore lure nok til å sorterte alt på første iterasjon... det blir altså neste prosjekt ;)

Dressprøving

Sidan det snart er Thanksgiving og jul må vi ha ein dress i hus! Tok
oss då ein tur ned i sentrum av Santa Barbara for å sjå kva dei har
å by på :)

Ser no flott ut dinna karen ;)

American Football

Endelig fekk vihøve til å sjå ein ekte amerikansk fotballkamp i college-ligaen. På bana var det Santa Barbara City College(SBCC) i raudt vs. East L.A. i grønt. Reglane er egentlig ikkje så komplisert, få ballen over på andre sida (end zone). Laget som har ballen får løyse den 4 gongar(downs), og må flytte seg 10 yards( 9,1m) mot end zone på desse 4 forsøka. Ellers trur vi dei mistar ballen...Touch Down på End Zone gir kanskje 6 poeng + 1 bonuspoeng på det obligatoriske sparket på mål etterpå.

Det var også mogleg å få seg ein ihjelsvidd cheesburger og ei boks med julecola for $5:

Kampen begynte 6 PM, og dei spelar 4 x 15min med 15min pause halvegs. På kveldstis kryp gradestokken ned mot 10 talet og det var vi delvis forberedt på, men ikkje at kampen skulle vare i 3 timar...For kvart minutt på kampklokka går det 3 klokkeminutt med diskusjonar, ballhenting og lagbytting, siste 2min15sek tok faktisk 12 minutt å gjennomføre.
Kvart lag har ca 40-50 spelarar, men berre 11 på bana, cheerleader girls, ergometersyklar og ei høveleg stort støtteapparat.

Det er ganske moro når guttane kjem seg på løp og det faktisk er bevegelse på bana, men diverre var det litt lang tid mellom høgdepunkta. Heldigvis har dei med seg heiagjengen som tek over showet når ballspelet uteblir:

Om det blir ein neste gong, vert det iallfall med litt meir klede, sitteunderlag og nokre fleire dollars til å bruke i kiosken som verken tok kort eller sjekk.

Gull til AaFK

Søndag den 08. nov -09 var det duka for cupfinale mellom nabo rivalane AaFK og MFK! Oslo var kledd i blå og oransje fargar heile helga og trur nok dette var ei oppleving av dei sjeldne for dei som var så heldig å ta del!

Bilete av to kjente karar på Stormen si heimeside!

Trass i 9 timar tids forskjell skulle kampen bli sett også her i California. Kl 0400 ringte vekkarklokka og det var berre å kave seg opp i setande stilling og prøve å få inn kampen på webTv. Vi kjøpte vekes pass på TV2Sumo og det fungerte heilt supert :)

Etter ein utruleg underhaldande kamp, med utvising, ekstraomgangar og straffespark, enda den historiske kampen med seier til Aalesunds FK!!!!! Så klokka 0700 på søndagsmorgonen satt eg og ropte og hoya, i ekstase fordi AaFK klarte å få GULL!

Heia AaFK ♥

Farsdag!

Gratulerer so mykje med farsdagen pappa :) Du e den beste pappaen i heile verda! Takk for at du er så hjelpsam og støttande i alt nytt vi ungane skal prøve oss på! Du er flink å engasjere deg og seier aldri nei til å prøve deg på nye utfordringar.
Håper du får ein koseleg dag saman med familien. Reknar med det blir selskap og moro på Flem med heile gjengen!

Biletet er tatt i Geiranger der pappa har fått med seg heile familien på fjelltur til Storseterfossen! 

Takk, det var ein flott tur, ei flott helg og du e en flott pappa :)

Klem frå Jill Alice

Gratulerer med dagen Leon!!

I dag har nevøen min Leon bursdag og han fyller heile 4 år! Plutseleg har også du Leon blitt ein stor kar som kan kontrollere tilstanden i Knutgarden ;) Håper du får ein kjempeflott bursdagsfest med heile familien på besøk i dag, med mykje pakkar, kaker og snop! Skulle gjerne ha vore der saman med dåkke..! 
Savnar deg masse lille luring og gledar meg til å sjå deg att! Du er ein go'gut som alltid har eit lure-smil og ei god gjerning på lur!Gla i dej! Klem frå tante Jill Alice og onkel Christopher i California!

Bilete til høgre er tatt i kyrkja under tante Karin sitt bryllaup, medan biletet er tatt heime på Flem i det han hoppa fram fra kassa som "trollet i eska" med supersmilet på plass og fornøgd med å ha skremt ho tante Jill ;)

Kjendis :p

I går kom Emily og Solveig heim med ei liten overrasking. Dei hadde nemleg funne bilete av med i studentavisa "The Bottom Line" frå den Internasjonale festen vi var på for eit par veker sidan.
(Det er kun eit tilfeldig valt bilete, så ikkje noko intervju med meg i teksten nei.. )

Veka derpå..

Etter ei kjekke Halloween-helg med fri og moro, vart det ei veke med mykje å gjere. Arbeidsmengda mi på skulen er noko varierande og ser i lekseboka mi at det blir nokså mykje å gjere dei neste to vekene! Attpå til skulle eg sjølvsagt klare å bli forkjølt etter helga, og var sengeliggande heile tysdag.. keisamt. Mykje tid som kunne vore brukt fornuftig forsvann nok den dagen, men forma er stigande og vi er med godt mot :) Christopher har også mykje å henge fingrane i og brukar mykje av tida si på programmerings-labben på skulen.

Vi har meldt oss på Juleball i San Francisco, laurdag i Thanksgiving-helga. Det skal bli stas å få tatt seg ein tur nordover, og kjekt med noko å glede seg til midt i alle mid-terms, innleveringar og eksamenar som kjem! Til min store overrasking er det berre 6 veker igjen av semesteret. Det er jo ingenting!

Litt sosialt samvær må ein ta seg tid til innimellom, og på søndag for nesten heile huset på kino for å sjå Michael Jackson filmen "This is it" – den siste pengemaskina til Sony.
"Du sat som ein stokk heile førestillinga" sa Christopher når det var over. Det stemmer kanskje fysisk, men eg levde meg ganske inn i alt sceneshowet og var limt fast i lerretet heile filmen. Hadde nesten ikkje tid til å smake på popcornet vi hadde kjøpt!!
Utruleg bra film for vi som liker MJ musikk og eit vel-koreografert sceneshow, var vi einig om båe to!

Jaja, tilbake til leksene.. skal på skulen igjen om ein times tid no. Økonomi, skriving, middag, og så kveldsundervisning i Web applikasjoner frå 6-9. WebApp er et nytt fag som eg startar på idag, så eg er litt spent på kva det går ut på :)

-Jill-

Hårkonkurranse 2009

I helga deltok elste søstra mi Linda på hårkonkurransen på Rica Parken i Ålesund. Ho brukte søstra vår Karin og søte niesa mi som hårmodellar i brudekreasjon!

Det blei ingen pall plassering ditte året, men eg synes det var kjempeflott!

Utruleg flenk du søste!!

Halloween

I helga har det vore Halloween i Amerika og i Isla Vista var det duka for tre dagar med feiring! Kostymer av alle variantar dukka opp og humøret var på topp!

Torsdag var første dag ut med tur til Tonic i downtown.

(Trykk på bileta for å få dei i stor størrelse)

Fredag gjekk turen til DP, Del Playa som er beach-gata i Isla Vista! Det var det fullpakka av studenter i ulike kostymer :) Litt av eit syn både fredag og laurdag!!

Stort sett alle i huset fekk besøk av venner som studerer i andre byar her i California. Eg og Christopher fekk besøk av Sondre, Torgeir og Vidar frå San Diego! Det var veldig hyggeleg :)
Laurdag var vi på Outback Steakhouse og åt oss stappandes mette!

..og kanskje ein smule intimt på den eine oppblåsbare madrassa vi hadde å tilby ;)

Søndag var, som laurdag, ein strålande fin dag her i Isla Vista!
Etter ein god frukost med pannekaker a'la Christopher tok vi ei runde med Frisbee-golf!

Ellers blei det ein chill dag i sola ute på plattingen før gjestane i bil etter bil tok avskjed med oss i Abrego-huset :)

Tusen takk for ei kjekke Halloween-helg :D